هلا باللي ضرب جوفه وساقه ضيم iiسرجوفه
على صفوة صفا قافه يموتني iiويحييني
سقى الله يا زمانٍ شوشته من خلف منسوفة
تقفّيته بكرباجي وهو كان iiامتقفّيني
حريره ما يناسبني ولا جاوب معي صوفه
لعب بي لعبة الجاهل بجنبيّة iiوسكّيني
سعودٍ كان نفسه من صدوف الوقت iiمشعوفة
تراها ما صفت قبله لسكران iiالمجانيني
ليالينا على ما قيل محسوبة iiومنتوفة
بكارٍ لقّحن يوم انتحن تسعة وتسعيني
على شانك يا ابن محجان أطق الراس بالطوفة
وأبيّن ما خفى مني وعلم الناس iiخافيني
أنا لك محزمٍ وافي وادوس الداب ما iiاشوفه
عشانك أنت والا اللاش له دينه ولي iiديني
ابن محجان حرٍّ له على وكر الوفا نوفه
وانا في معرفته افخر إلى غابت شياطيني
رَجَل ترثة رياجيلٍ بفعل الطيب iiمعروفة
وله عندي مقامٍ ما وصَله إلا iiالسلاطيني
عسى يفداه من لا صاد طيب ولا كسب iiحوفه
طويل الذيل ابو زنبيل من عمّار iiوحصيني